Здароўе і бяспека

Патрабаванні па забеспячэнню камфортных умоў пражывання і аховы здароўя з’яўляюцца аднымі з Агульных патрабаванняў да складу і зместу работ Рэгламенту ЕС “Аб уладкаванні гарманізаваных умоў для распаўсюджання на рынку будаўнічай прадукцыі” (CPR), якія асобна прадстаўлены, адпаведна, у Паясняльным дакуменце №3: “Гігіена, ахова здароўя і навакольнага асяроддзя”, і Паясняльным дакуменце №4 “Эксплуатацыйная бяспека”.

У зонах з халоднымі і ўмеранымі кліматычнымі ўмовамі людзі праводзяць каля 90% свайго часу ў закрытых памяшканнях. З гэтай прычыны з пункту гледжання здароўя якасць паветра ў памяшканні нават важнейшая за якасць вонкавага паветра. Добры мікраклімат у памяшканнях спрыяе зніжэнню захворванняў і скарачэнню выпадкаў праяўлення сіндрома хваравітай атмасферы ў будынку, а таксама павышае камфортнасць умоў пражывання і прадукцыйнасць труда. Такім чынам,  забеспячэнне добрага мікраклімату ў памяшканнях з’яўляецца адной з найважнейшых задач пры праектаванні і будаўніцтве. Практыка, тым не менш, сведчыць пра частую незадаволенасць жыльцоў існуючымі ўмовамі, а скаргі ў сувязі з недахопамі ў вобласці аховы здароўя і камфорту ўмоў пражывання з’яўляюцца тыповай з’явай.

На якасць мікраклімату ў памяшканнях у роўнай ступені ўплываюць ацяпленне, вентыляцыя і кандыцыянаванне паветра, якасць інжынірынгавага забеспячэння і будаўнічых работ, якасць будаўнічых матэрыялаў, а таксама захаванне рэгламенту эксплуатацыі і тэхнічнага абслугоўвання будынка. З-за наяўнасці гэтых шматлікіх фактараў асаблівую значнасць для ўладальнікаў і  праектыроўшчыкаў набывае ўсталяванне адпаведных характарыстык будынка і тэхналогіі будаўніцтва, а таксама здольнасць падрадчыкаў даказаць на аснаванні дзеючых правіл адпаведнасць будынка ўсталяваным крытэрыям ацэнкі эксплуатацыйных якасцяў.

Базальтавае валакно Paroc – бяспечны матэрыял

Характарыстыкі вырабаў з базальтавай ваты Paroc дазваляюць спажыўцу выкарыстоўваць іх без небяспекі для здароўя. Для забеспячэння бяспечнасці сваёй прадукцыі група кампаній Paroc Group вырабляе толькі базальтавае валакно з высокай біялагічнай растваральнасцю, якое не можа быць класіфікавана як прадукт, які прадстаўляе канцэрагенную небяспеку для чалавека.

Наяўнасць маркіровачнага знака Еўрапейскай камісіі па сертыфікацыі вырабаў з мінеральнай ваты (EUCEB) на нашых вырабах сцвярджае адпаведнасць базальтавага валакна Paroc патрабаванням Дырэктывы Камісіі ЕС.

Прадукцыя Paroc таксама сертыфікавана знакам якасці RAL, які пацвярджае, што нашыя вырабы з базальтавай ваты не ўтрымліваюць канцэрагенных рэчываў, мутагенаў ці рэчываў, якія прадстаўляюць небяспеку для рэпрадуктыўнай функцыі чалавека, згодна нямецкім “Тэхнічным правілам па рабоце з небяспечнымі рэчывамі” (TRGS 905).
EUCEB   RAL 

Базальтавая вата Paroc вылучаецца выключна нізкім узроўнем выкідаў шкодных рэчываў.

Вырабы на аснове базальтавай ваты Paroc адпавядаюць самаму цвёрдаму патрабаванню (М1) у фінскай сістэме добраахвотнай сертыфікацыі будаўнічых матэрыялаў на адпаведнасць усталяваным узроўням выкідаў. Нашы вырабы з базальтавай ваты прызнаны ў якасці прадуктаў з нізкім узроўнем выкідаў, а іх адпаведнасць міжнародным стандартам у гэтай галіне сцвярджаецца з моманту распрацоўкі сістэмы добраахвотнай сертыфікацыі Фінскім Таварыствам па кантролю якасці паветра і мікраклімату ў памяшканнях у 1995 годзе. Наяўнасць маркіровачнага знака М1 дазваляе пакупнікам ідэнтыфікаваць вырабы Paroc з нізкім узроўнем выкідаў шкодных рэчываў. 

Інфармацыя пра сертыфікаваныя вырабы прадстаўлена на вэб-сайце RTS.

 

M1

Базальтавая вата Paroc не ўтрымлівае шкодных рэчываў

Вырабы на аснове базальтавай ваты Paroc адпавядаюць распрацаваным Еўрапейскім хімічным агентствам (ECHA) патрабаванням па Рэгістрацыі, ацэнцы і выдачы дазволаў на вытворчасць і выкарыстанне хімічных рэчываў (REACH ) і Рэгламенту па класіфікацыі, маркіроўцы і ўпакоўцы хімічных рэчываў і сумесяў (CLP), што азначае, што ў іх складзе не ўтрымліваецца ні адно з найменняў, згаданых у спісе асабліва небяспечных рэчываў (“Candidate List”).

Тэхнічнае дасье на кожнае рэчыва, якое належыць рэгістрацыі REACH, утрымлівае справаздачу аб хімічнай бяспецы, уключаючы звесткі пра ўласцівасці і класіфікацыю рэчыва. Базальтавае валакно Paroc прадстаўляе сабой мінералаватнае валакно тыпу, указанага ў Дадатку “Nota Q” да Дырэктывы 97/69/EC, якое не класіфікуецца як небяспечнае ці раздражняючае рэчыва.

 

Вырабы на аснове базальтавай ваты Paroc не ўтрымліваюць шкодных рэчываў, указаных у дырэктыве “RoHS”

Вырабы на аснове базальтавай ваты Paroc не ўтрымліваюць шкодных рэчываў, указаных у дырэктыве ЕС па Абмежаванню выкарыстання пэўных небяспечных рэчываў у электронным і электраабсталяванні (RoHS). Гэта азначае, што вырабы Paroc могуць выкарыстоўвацца як у электронным, так і ў электраабсталяванні.

Базальтавая вата Paroc бяспечна  ў карыстанні

Пры рабоце з базальтавай ватай голымі рукамі кантакт з валакном можа выклікаць сверб і раздражненне скуры. Тым не менш, кантакт з базальтавым валакном не выклікае пашкоджанняў падобна хімічным раздражняльнікам, і сверб, як правіла, хутка праходзіць. Яго прычынай з’яўляюцца драпіны, якія з’яўляюцца на скуры ў выніку кантакта з грубым базальтавым валакном. З гэтай прычыны рэкамендуецца выкарыстоўваць прасторнае і разам з тым шчыльна прылягаючае рабочае адзенне і пальчаткі ў працэсе работы з мінеральнай ватай. У працэсе работы неабходна пільна сачыць за ўзроўнем пылаўтварэння.

Мы падпісалі добраахвотнае пагадненне аб размяшчэнні на ўпакоўцы вырабаў тэкставых інструкцый, якія тлумачаць парадак абыходжання з імі, а таксама спецыяльнай піктаграмы, папярэдне ўзгодненай паміж усімі членамі Еўрапейскай асацыяцыі вытворцаў ізаляцыі (Eurima).

Для атрымання больш падрабязнай інфармацыі гл. поўны тэкст дакумента>>

Overview of compliance of Paroc stone wool products to environmental, health and safety regulations (pdf)

Пашпарты бяспечнасці рэчываў прадстаўлены на старонках афіцыяльнага вэб-сайта кампаніі Paroc.