Гукаізаляцыя

Ахова ад шуму з’яўляецца адным з Агульных патрабаванняў Рэгламенту ЕС “Аб усталяванні гарманізаваных умоў для распаўсюджвання на рынку будаўнічай прадукцыі” (CPR), якое асобна прадстаўлена ў Паясняльным дакуменце “Protection against noise” (Ахова ад шуму).

У большасці краін дзейнічаюць нормы, якія рэгламентуюць характарыстыкі акустычнага асяроддзя, якія ўключаюць аналіз уплыву наступных фактараў:

  • Шум, які зыходзіць ад прамысловых будынкаў у навакольнае асяроддзе
  • Шум транспарта, які пранікае ў будынкі
  • Узроўні шуму, які распаўсюджваецца паміж памяшканнямі ў будынку

 

На фоне агульнай тэндэнцыі да праектавання і будаўніцтва  шчыльна заселеных раёнаў у блізкай даступнасці ад транспартных маршрутаў хутка расце патрэба ў эфектыўных канструктыўных рашэннях для забеспячэння гукапаглынання ў будынках. Пры гэтым на многіх рынках таксама расце і ўзровень патрабаванняў да будынкаў высокага класу з пункту гледжання гукаізаляцыі і акустыкі ў памяшканнях.

Sound landing page 

Вялікае значэнне мае правільнае тлумачэнне тэрмінаў “гукаізаляцыя” і “гукапаглынанне”. Гукапаглынальныя матэрыялы, такія як базальтавая вата, не здольныя забяспечыць добрую гукаізаляцыю з-за іх паветрапранікальнасці і нізкай масы. Яны могуць толькі спрыяць зніжэнню шуму ў шумным памяшканні ці паляпшэнню гукаізаляцыі канструкцыі будынка.

Для забеспячэння адпаведнасці праектуемых будынкаў зададзеным характарыстыкам гукапаглынання патрабуецца выкананне спецыяльных акустычных разлікаў. Існуюць два фактары, якія патрабуюць уліку пры праектаванні ў сувязі з забеспячэннем гукапаглынання ў будынку:

  • Нізкі ўзровень шуму ліфтавога абсталявання (ліфтаў, насосаў, сістэм ацяплення і вентыляцыі і г.д.)
  • Зніжэнне шуму дзякуючы геаметрычнай акустыцы памяшканняў і гукаізаляцыі. 

Порыстая базальтавая вата Paroc прадстаўляе сабой матэрыял з выдатнымі гукапаглынальнымі ўласцівасцямі.

Паказчыкам гукапаглынальных уласцівасцяў матэрыяла з’яўляецца каэфіцыент гукапаглынання “α” (альфа), які залежыць ад частаты гука. Значэнні каэфіцыента “α” могуць знаходзіцца ў дыяпазоне ад 0 да 1,00 (ад поўнага адлюстравання да поўнага паглынання).

Базальтавая вата Paroc мае порыстую структуру. Яна складаецца з шчыльнага матэрыяла і поласцяў. З павелічэннем частаты гука павышаецца і здольнасць матэрыяла да яго паглынання, якая таксама ў значнай ступені залежыць ад таўшчыні матэрыяла, у асасблівасці пры шчыльным прыляганні да сцяны ці іншай цвёрдай паверхні. 

У выпадку нізкачастотнага гука наяўнасць паветранага зазору паміж паверхняй паглынаючага матэрыяла і  паверхняй, якая адлюстроўвае, альбо сцяной спрыяе павышэнню ступені гукапаглынання.

 
Гукапаглынанне Мал.: Крывая гукапаглынання каменнай ваты Paroc таўшчынёй 30 мм (зялёная), 50 мм (чырвоная) і 100 мм (блакітная).

Для прадухілення распаўсюджвання гука неабходна забяспечыць гашэнне гукавых хваляў, што можна зрабіць адным з наступных спосабаў:

  • Запаўненне поласцяў у сценах, каб пазбегнуць узнікнення рэзанансу
  • Укладка плаваючай падлогі для зніжэння ўдарнага шуму
  • Ізаляцыя абсталявання, работа якога суправаджаецца вібрацыяй

 

Дзякуючы ўнікальным уласцівасцям базальтавай ваты яна шырока прымяняецца пры рэалізацыі ўсіх гэтых спосабаў. Так, напрыклад, прымяненне порыстай і паветрапранікальнай мінеральнай ваты з’яўляецца найбольш эканамічна эфектыўным рашэннем для гукаізаляцыі перагародак. У выпадку двухслаёвых перагародак гэта дае выйгрыш на 5-10 дБ у параўнанні са сценавай канструкцыяй без запаўняльніка.

Прадстаўленыя ніжэй дадзеныя ілюструюць паглынанне гука ў двухслаёвай сценавой канструкцыі з выкарыстаннем базальтавай ваты ў якасці запаўняльніка, а таксама без яе.